Сепак, ехото на неговата татковина го натерало да се врати во родниот крај, поточно во Драслајца, прекрасно село во близина на Охридското Езеро. Неговите авантури биле причина целото село да се собере во неговиот двор, внимателно слушајќи ги неговите приказни за петте континенти до доцна во ноќта. О, какви приказни можел да исткае…

Во малата, но совршено одржувана градина на дедо Спасе, имало разни видови дрвја. Сепак, неговите омилени биле петте лешници за кои се грижел со посебна љубов, а често вешто ги користел карактеристиките на лешникот како метафора во своите приказни… Дедо Спасе велел дека лешникот му дава сила, енергија, а воедно и го штити неговиот ум, затоа можел да раскажува приказни доцна во ноќта и да работи полн со енергија преку ден. За лешниците, тој велел дека ги јадел ЗА УМОТ (ЗА-УМ). Така, во семејството останала приказната – ЗА-УМОТ (ЗА-УМ). Приказна што се пренесува од генерација на генерација и трае повеќе од 150 години.

Дедо Спасе одамна го нема на овој свет. Сепак, неговата градина со лешници продолжува да живее. Денес, на истото место, на 700 метри надморска височина, во чиста еколошка средина, хранети од енергијата на струшкото сонце, се одгледуваат најубавите лешници во Македонија. За нив се грижи правнукот на дедо Спасе. Секој мал плод од овие лешници е полн со богатство од хранливи материи, витамини и минерали. Бошко реши да ги сподели лешниците со светот исто како што, пред многу години, неговиот прадедо несебично ги споделуваше своите приказни. За таа цел, тој го создаде брендот ЗАУМ. Органските јаткасти плодови одгледувани во Драслајца се главната состојка на секој производ на ЗАУМ.

И лешникот има своја приказна, вистинска приказна. Тој е суперхрана. Се вели дека редовната консумација на лешници може да го продолжи животниот век за 20 проценти. Сепак, она што е најфасцинантно е неговата улога како храна за умот. И токму од таму доаѓа ЗАУМ.